Vawiin khan Ni hnih awh tur Integrated Watershed Management Programme hnuaia thawktu Watershed Development Team (WDT) te tana buatsaih IWMP hnuaia Self Help Group din dan leh enkawl dan inzirtirna chu Extension Training Centre, SIRD, Thingsulthliah ten Rural Development Conference Hall, Aizawl-ah an nei.
He training hawnna hi Pu Khuangthansanga Pakhuangte, Principal chuan kaihhruaiin, Pu V. Lalsangliana, Chief Executive Officer, MZWDA leh Director, Rural Development Department ni bawk chuan a hawng a. Thu sawiin, IWMP hnuaiah hian Prime Minister Office atanga India rama vilzui ngai tur bik District 50 thlan chhuah zingah Aizawl District hi a tel a, uluk leh tha taka thawk turin thawktute a fuih.
He training-ah hian Aizawl leh Serchhip District atanga thlan chhuah WDT mi 25 an tel a, ni 2 chhung hian IWMP hnuaia component pawimawh tak mai chi 2 te chu uluk leh chipchiar zawkin an zir ang.
Zirtirna hi Pu Khuangthansanga Pakhuangte, Principal, ETC & Senior Faculty, SIRD te, Pu ZR Thafala, Core Faculty, SIRD leh Pi V. Lalhmangaihi, Faculty, ETC(T) ten an pe dawn a ni.
