Pu H.Zothangliana, Parliamentary Secretary chuan vawiin khan Mizoram Hindi Training College leh Central Hindi Directorate, Ministry of Human Resource Development, New Delhi tangkawp buatsaih nithum awh tur “National Seminar on Significance and Importance of Hindi in the Development of languages of the North East India” hawnna inkhawm a hmanpui. Seminar hi Mizoram Hindi Training College auditorium ah neih a ni.
Pu H.Zothangliana, Parliamentary Secretary, Higher & Technical Education chuan Hindi hi tawng pawimawh tak anih zia te, India ang ram ropui ami kan nih avanga Hindi kan thiam ngei ngei a ngaih thu leh Hindi hi India ram zau tak min phuarkhawm tu anih zia leh Ram inpumkhat nan Hindi tawng thiam a pawimawh zia te a sawi a. Hindi tawng thiam leh zir turin nasa taka tan la turin kalkhawm te a chah bawk a ni.
Seminar-ah hian Resource Person atan Central (India State hrang hrang) atangin Hindi tawng hmang mi pasarih (7) paper present turin an lo kal a. Local (Mizoram) atangin mi pariat (8) in paper an present dawn bawk a ni.
Seminar hawnna programme hi Pu Ramhluna Hnamte,Joint Director, Higher & Technical Education in a kaihruai a, chawhnu atangin thupui hrang hrang sawiho a ni.
Mizoram Hindi Training College hi October 15,1975 khan din a ni a, School hrang hrang a Hindi zirtirtute training pekna hmun niin tunah hian zirlai 180 an awm mek a ni.
