Ministry of Tourism, Government of India chuan State tin te hi khualzin hip nan atam thei ang ber Festival hmang theuh turin a duh a, heng Festival ah te hian hnam ziarang hrang hrang atam thei ang ber pho chhuah ni sela. Handloom & Handicraft hrang hrangte pawh phochhuah a, lei theih tura buatsaih turin State tin te a beisei bawk a ni.

Central Sorkar thurawn ang leh financial support a pek thin angin kum 2006 atangin Anthurium Festival hi Mizoram ah hman tan a ni a, kumin thlengin khaihlak awmlo in kan hmang zawm zel ta a ni. Anthurium pangpar hi ramdang atanga chawk luh pangpar ni mahse, mawi tak leh tlo tak niin, Mizoram ah pawh hian mi thahnem takin eizawnnan leh sum lakluh nan anlo hmang ta a. Kartin Delhi ah pangpar 5000 vel thawnchhuah thin ni a hriat a ni. He Festival hmang hian Mizoram a hnam lam chi hrang hrang leh Folk Song te phochhuah thin niin hmanlai leh tunlai incheina te pawh mipui leh khualzinte hmuh theihin tarchhuah thin a ni bawk. Festival chhimtute leh khualzinte tan tlawh remchan zawkna anih beiseiin kumin Anthurium Festival chu Mini Sports Complex, Lengpui ah 1st October - 3rd October chhungin ropui taka hman tum a ni a.

He Festival tihlawhtling tur hian Department hrang hrang leh NGO ten theihtawpin hma an la a, Zoram mipuite leh khualzinte a tam thei ang ber chhim turin Tourism Department chuan a sawm nghal bawk a ni e.