Vawiin khan Food Civil Supplies and Consumer Affairs Minister Pu John Rotluangliana chuan Chanmari YMA Hall ah FCSA&CA thawktute tana buatsaih End to End Computerization of Targeted Public Distribution System (TPDS) leh National Food Security Act, 2013 chungchang training a hawng.

Pu John Rotluangliana chuan November thla atangin Food Security Act chu Mizoramah hman tan tum a ni a, he Act hi dik leh felfai taka kalpui tum a ni, a ti. Minister chuan he Act hmang hian Mizoramah kan la tih ngailoh kalphung thar lakluh tum a ni a, chuta tana hmanraw pawimawh ber chu FCS&CA thawktute an ni tiin an training chu ngai pawimawha thiam ngei tuma zir turin a fuih a ni. State dangah chuan Act in a huam loh te chuan ration card hmang thei tawh lo mahse Mizoram sawrkar chuan mipui mimirte hamthatna tur ngaihtuahin FSA in a huam loh te pawhin ration lak dan pangngaiin an lak tur thu a sawi a. FSA hnuaiah hian selection committee kaltlangin Danin a sawi ang ngeiin a phute chauhin an dawng tur a ni tiin induhsak bikna a awm tur a nilo, FCS&CA Minister chuan a ti bawk.

Ni thum awh tur End to End Computerization of TPDS leh National Food Security Act, 2013 chungchang training hawnna programme hi FCS&CA Secretary Pu Hrangtawna’n a kaihruai a. FCS&CA Jt.Director Dr. Andrew H.Vanlaldika chu Course Director niin Resource Person dangte chu Pu John Tanpuia, Deputy Director, FCS&CA; Pu MS Thuamluaia leh WIPRO/NIC aiawh te an ni. Training ah hian DCSO, ADCSO, Inspector, Sub-Inspector, Store-Keeper leh Technical Assistant te an tel a ni.