Ni hnih awh Anthurium Festival 2019 chu vawiin khan zawhfel niin, Tourism Minister Pu  Robert Romawia Royte in a hmanpui.

Tourism Minister Pu Robert Romawia Royte chuan Anthurium Festival hi Tourist hipna pawimawh tak anih rualin Mizo mipui zawng zawng tana buatsaih a ni, a ti.Mizo mipui te hi India rama mi hlim ber ni turin Tourism Deptt hian tan kan la zel dawn a ni tiin mi hlim thei leh a tha zawnga ngaihtuah mi leh remna siam mi chuan khawvel hi a ti hlim thin a ni ti a,  heng  festival te hi hlim tak leh inlungrual taka hmang turin kal khawm te a chah a ni. Anthurium Festival hlawhtlinna chu mipui lo kalkhawm te hi in ni tiin, " Clean Sober and plastic free Festival" a nihna angin fai leh harhfim takin festival hmang turin lo kalkhawm mipuite a chah bawk a ni.

Reiek khua leh Ailawng khua te chu khualzin hipna tura hmunhma nei tha an nih avangin tuna mi bakah hian project lian tham siam tum a ni a ti a. Reiek ah hian Adventure tourist spot buatsaih mek niin Adventure Sport competition te pawh la buatsaih kan tum mek ani tiin a sawi. Mamit Dist a khaw fai ber Reiek thlan anih chu a lawmpui thu a sawi bawk. Reiek leh Ailawng hi Green Village ah siam a duh thu sawiin chumi atan chuan theihtawp chhuah a tum thu a sawi tel bawk.

Anthurium Festival ah hian Mizo hnam lam hrang hrang entir a nih bakah zaithiam ten hun an hmang a. Adventure park buatsaih niin a tlawhtu mipuite intihhlimna tur chi hrang hrang buatsaih a nih bakah food court te siam a ni.