Pu John Rotluangliana, Tourism Minster leh Chairman Anthurium Festival 2016 State Level Organising Committee hovin vawiin khan a office ah Festival, Reiek a September 22, 23 leh 24 a neih tur chu a hman dan tur sawihona neih a ni.

Pu John Rotluangliana chuan Anthurium Festival hi state sawrkar thil tih a ni a. Tourism Department chu a Nodal Department a ni mai a, chuvangin department hrang hrang ten an hna chanpual theuh ah thahnemngai taka tangtlang turin a ngen a ni. Kumin Anthurium Festival hi uar thei ang ber leh hlimawm taka hman ni thei se tih a beisei thu Minister chuan a sawi bawk a ni.

Vawiin committee ah hian Parliamentary Secretary Pu TT Zothansanga, Secretary Tourism Pu V. Lalremthanga IAS, Tourism Department officers, Police, PHE, PWD, P & E, KVIC, Horticulture, H & FW, Excise & Narcotics, I &PR, DDK, MCO, MJA, Zo Anthurium Growers’ Society te an tel a ni. Committee chuan Tourism Secretary kaihhruaina hnuaiah Working Committee din remti in he committee hian Festival hman dan tur chu an rel ang.

Anthurium Festival hi 2006 atang khan Reiek ah hman thin a ni a, nikum 2015 khan Lengpui ah hman a ni.