Nimin khan Tourism Minister Pu S. Hiato chuan September 10 a tan tum Anthurium Festival hmanna tura Department te hmalakna a hmunah a tlawh.

Kum danga lo tih thin angin kumin pawh hian Anthurium Festival hi nuam, hlimawm leh changtlung taka buatsaih tum a ni a. Reiek Tourist Resort pawh uluk taka chei a ni. A bik takin naupangte in tih hlimna tur Children's Park pawh changtlung taka thuam mek a ni. Kum danga tih ngai loh Nghakuaia Sangha in man tam siak in elna pawh buatsaih tum a ni a. Hemi atan hian Pu Ramhluna, Reiek Sangha Dil hman tum a ni a, Pu Ramhluna Sangha Dil hi Reiek khaw mawng lam Km 5 vela hlaah a awm a, dil zau leh nuam tak a ni nghe nghe.

Pu S. Hiato hi Pu H. Zothangliana, Patliamentary Secretary; Pu Lalmalsawma IAS, Principal Secretary; Pu Jim K. Chozah, Director, I≺ Pu Samuel Rosanglura, Director Horticulture; Pu Vabeiha, Director, Tourism leh Pu Lalremmuana, Addl S.P. Security ten an tawiawm a ni.