Nihnih awh Serchhip District tana NLUP Workshop Serchhip DC Conference Hall-a nimina neih tan chu vawiin khan neih chhunzawm a ni a. Chief Minister Pu Lal Thanhawla a bial Serchhipa cham mek chuan a hmanpui. Vawiin NLUP Workshop hi Serchhip DC Pu H. Darzikan a kaihruai a. NLUP Implementing Board Vice Chairman Pu P.L. Thangan sawihawnna hun a hmang bawk.
Chief Minister chuan thusawiin NLUP sem nghakhlela dawn tum ringawtna chu kan sim a tul a ni a ti a. NLUP ti hlawhtling tur chuan taimak leh hrisel a ngai a, hnathawk tak tak tur pawhin hrisel a ngai a, zuk leh hmuam laka in vawn thianghlim a pawimawh thute a tarlang. NLUP chu keimahni tana hlawkna tur awm lo nangmahni hlawkna tur a ni tiin tih takzetna nen thawka din chhuahpui tum theuh turin a chah. Ti tak tak peih loa NLUP chhawmdawlna sum dawn hmang diklo te chu sorkar in a dim dawn loh thu sawiin fimkhur taka kalpui turin kalkhawm te chu a fuih bawk. Chhungkua 12000 tana sum vaibelchhia 2500 chuang NLUP tana dah chu tam tham tak a ni tiin kan hlawhtlin pui lo a nih ngat chuan a zahthlak khawp ang a, India pum hmuhah Kristian state Mizoram chu a mualpho dawn a ni a ti bawk. NLUP thawh chhoh nana pawimawh tak Kawlphetha siam belhna tur Project hrang hrang sorkar in chak taka a bawhzui mek dan te a tarlang bawk.
Vawiin workshop ah hian Serchhip District huamchhung khaw hrang hranga Village Level Committee te kohkhawm an ni a. Line Department 8 Soil & Water Conservation, Environment & Forest, Horticulture, Agriculture, Industries, AH & Vety, Fisheries leh Sericulture Department a Nodal Officer ten power point hmangin an Department hnuaia Trade hrang hrang thlan theih tur an kalpui dan tur te, a thawh dan hmang leh sum dawn theih ruahman te leh lo neitute hriat tur tul leh pawimawhte an sawifiah a. Kalkhawmte atangin an hriat chian loh laite inzawtfiahin sawihona hun tha tak an hmang tlang a ni.
Vawiin workshop ah hian Serchhip District huamchhung khaw hrang hranga Village Level Committee te kohkhawm an ni a. Line Department 8 Soil & Water Conservation, Environment & Forest, Horticulture, Agriculture, Industries, AH & Vety, Fisheries leh Sericulture Department a Nodal Officer ten power point hmangin an Department hnuaia Trade hrang hrang thlan theih tur an kalpui dan tur te, a thawh dan hmang leh sum dawn theih ruahman te leh lo neitute hriat tur tul leh pawimawhte an sawifiah a. Kalkhawmte atangin an hriat chian loh laite inzawtfiahin sawihona hun tha tak an hmang tlang a ni.
