Vawiin zing dar 10:00 khan Pi Sundari Nanda IPS, Director, Anti-Corruption Bureau (ACB) chu DC’s Conference Hall, Mamit-ah District Bawrhsap leh Mamit khawpui chhunga Heads of Offices te kawmna a nei.

He inkawm hona hun, District Bawrhsap Pu Rodney L. Ralte IAS kaihhruaiah hian Pi Sundari Nanda IPS, Director ACB Mizoram chuan hetianga inkawm hona hun D.C in a buatsaih theih avangin lawmthu a sawi a, Pi Nanda chuan Anti-Corruption Bureau kalphung leh hmalak dante officer kalkhawmte chu hrilhin mipuite an chanvo dik tak an chan theih nana hmalatu a nih thu te, Corruption hi kan mimal rilru putzia ah a in nghah thu tarlangin hetiang kawnga kan fihlim a pawimawhzia a sawi a. District Level Officers te hian hemi kawngah hian mawh kan phur hle a ni a ti bawk. Pi Nanda chuan sawrkar hnathawk kan nih avangin dan leh hrai hriatna lamah leh sum hman dan kalphung hriatna lamah hmasawn tum turin officers kalkhawm te chu a chah bawk a ni.

He hunah hian Heads of Offices te pawhin thil an hriatthiam loh laite zawtin a theih ang angin in hrilhfiah a ni bawk.

He inkhawm hona-ah hian Mamit khawpui a Heads Of Offices te chu an kal tha hle a ni.

Pi Sundari Nanda IPS, Director, ACB hian nimin Dt 6th February 2012 khan SP Conference Hall-ah Police hma-ah thusawina hun neiin chawhnu dar 3:00 PM ah Tlawmngai Pawl hruaitute a kawm bawk