Cigarettes & Other Tobacco products (Prohibition of advertisement & regulation of trade & commerce, production, supply & distribution) Act, 2003-in puipunna hmuna meizuk a khap angin Mizoram hmun hrang hrang-ah Anti-Tobacco Squad Drive neih mek a ni a. Anti-Tobacco Squad te hian sorkar office, dawr leh puipunna hmun hrang hrangah te endikna hna an thawk zel a ni. Lunglei-ah pawh Anti-Tobacco Squad ten February ni 11, 2014 khan phal lohna hmuna meizu mi 4 man a, a hmunah pawisa chawitira hrem nghal an ni.

Lunglei District-ah COPTA Act chungchangah inhrilhhriatna (Awareness campaign) chak taka kalpui mek niin kumin February thla chhung hian Lunglei khawpui chhung leh pawn khaw hrang hrangah leh school engemawzahah hun hman an tum bawk a ni. Anti Tobacco Squad te hian chak zawka hmalak zel an tum a, mipuite pawh dan zawm hram hram turin an hriattir nghal bawk a ni.