Parliamentary Secretary Pu Joseph Lalhimpuia chuan School Education Department kalphunga lungnih lohna emaw, buaina a awm chuan ral atanga intawng emaw, insawichhiat emaw, chanchinbu lama tuan mai lovin, a tul anga inhrilhfiah a, infinchhuah hram zawk tur a ni, a ti. He thu hi nimin (12.2.2014) a MZP hruaitute hnena a pisa a an inkawmnaah a sawi a ni.
Parliamentary Secretary leh MZP hruaitute chuan Mizorama zirna chungchang sawi hovin, zirtirtu transfer, hnaruak leh zirtirtu Voluntary Retirement Scheme chungchangte an sawi a. Parliamentary Secretary chuan MZP chu a tul anga thawhho puiah a sawm a, MZP hruaitute pawhin zirna siamthatna kawnga sorkar an thawhpui thin zel tur thu an sawi bawk a ni.
School Education Department-in a tarlan danin tun dinhmuna zirtirtu post ruak awm zat tlangpui chu: Middle School:
a) Teacher – Post 87 a ruak. Post 68 hnawhkhahna tur Sorkarah dil mek a ni. ]
b) VRS a chhuak 136 an awm a. Hemi te hmun ruak hnawhkhahna tur hi Sorkarah dil mek a ni.
Primary School:
a) Teacher – Teacher 290 lak phalna hmuh a ni.
b) VRS a mi 169 chhuak hnawhkhahna tur hma lak mek a ni.
Middle School leh Primary School zirtirtu post ruak hnawhkhat tur a qualification ngai te chu - Class XII pass chin; Elementary Education-a 2 year Diploma neih; TET pass. Tunah hian TET pass mi 250 an awm tawh a ni.
