Vawiin khan Aizawl District Anti Tobacco Squad (ATS) member te chuan Treasury Square, Zodin Square leh Aizawl Temple ah te nepnawi dawr leh hawkers ten COTPA Section 6(a) in a phut angin kum 18 hnuailam hnenah vaihlo leh a kaihnawih hralh phallohna thu ziak(signage) an tar em tih an enfiah a. A tar lo dawr leh hawkers te chu signage leitir in, langsar thei ang ber a tar turin an hrilhfiah nghal bawk a ni. Solomon's Cave ah chuan ATS members ten Solomon's Cave Market Association hruaitute kawmin Signage tar turin an hrilh nghal a.
Heng hmunah te hian restaurant leh thingpui dawr ah te pawh kal kualin Meizuk khapna thuziak leh complaint board te an tar em tih an enfiah nghal a, a tar lo te chu pawisa an chawitir bakah No smoking Signage an lei tir bawk a ni. Heng bakah taxi stand leh bustand ah te kalin driver te hnenah motor chhunga meizuk khap tlat turin an hrilh a, meizuk phal lohna stickers te pawh an pe bawk a ni.
