Vawiin khan Agriculture Conference Hall ah State Level Workshop on Oil Palm chu Agriculture Department buatsaihin neih a ni a. Pu H.Liansailova, Agriculture Minister chu khuallian niin Agriculture Secretary, Pu T.V Fambawl in Workshop hi a kaihruai a ni.
Khuallian Pu H.Liansailova chuan Loneitute chu eizawnna ngel nghet leh hlawk zawk an neih theih nan Oil Palm chin a pawimawhzia a sawi a, taimakna leh thawhrimna nena hlawhtling ngei tura thawk turin loneitute a fuih a. Eizawnna ngel nghet kan neilo hian kan ram ei leh barah te, khawtlang nun leh politics te nasa taka a nghawng theih ziate a sawi a ni. Oil Palm hi Mizoram ram khawthlang lama Serthlum an lo china leh a tam zawh tawhna hmunah te chuan Oil Palm hi uar taka chin a that tur thu a sawi a. Oil Palm chingtute tan hian Rain Water Harvesting Structure-te leh Drip Irrigation hmang a tui pek dan tur te siam sak an nih tur thu a sawi a. Oil Palm rah sawngbawlna tur Factory pawh tunah hian Department leh Company-te nen tangrualin hmalak mek anih thu a sawi bawk. Minister chuan Agriculture Department a thawktute leh Scheme hrang hrang keng kawh tute hnenah Pa taima leh tuar ngam deuhte pawh hi kan scheme hrang hrang hlawhtlin zawk nana kan thlanchhuah a tul thu a sawi. Eizawn nan mai ni lo va, hausakpui tham khawp hnathawk turin kal khawm te a chah bawk.
Technical Session hi chawhnu lamah neih a ni a, hetah hian Directorate of Oil Palm Research, Pedavegi atanga Scientist lokal ten Oil Palm chin leh enkawl dan zirtirna an pe a ni. He Workshop ah hian District hrang hrang atangin officer leh staff te leh Oil Palm chingtute bakah AMFU, MICLUN leh chanchinbu mite an tel a ni.
Technical Session hi chawhnu lamah neih a ni a, hetah hian Directorate of Oil Palm Research, Pedavegi atanga Scientist lokal ten Oil Palm chin leh enkawl dan zirtirna an pe a ni. He Workshop ah hian District hrang hrang atangin officer leh staff te leh Oil Palm chingtute bakah AMFU, MICLUN leh chanchinbu mite an tel a ni.
