Vawiin nileng khan Lawngtlai khawpui chhunga sawrkar office hrang hrang leh LADC hnuaia office hrang hrangah te Lawngtlai District Anti-Tobacco Squad te chuan meizial zu an vai a, vantlang hmuna zial zu mi engemaw zat an man.

Vawiina District Anti-Tobacco Squad Member Secretary Dr. Zothanpari chhakchhuak hova thawk chhuakte hian sawrkar hmun leh vantlang hmun hrang hrangte fangin danin a phallohna hmuna meizial zu mi 32 zet an man a, heng an mi mante hi pawisa chawi tira vantlang hmuna meizial zu tawhlo tura hrilh zel an ni. Anti Tobacco Squad te hian Lawngtlai District ah Vaihlo khuahkhirhna dan (COPTA) a hlawhtlin theih nan chak taka hma lak zel an tum thu Dr. Zothanpari hian a tarlang a, mipuite chu tha taka dan zawm hram hram turin a ngen nghal bawk a ni.