Vawiin chawhma dar 11 : 00 khan Anti-Tobacco Squad, Saiha District te chuan Deputy Commissioner’s Office Chamber-ah District Bawrhsap Pu Kunal IAS hovin meeting pawimawh  neih a ni .

He meeting ah hian nikum 2011 lama hmalak tawhna hrang hrang te thirho anih bakah Cr. Pc Section 144 of 1973 leh Section 13,14,20,21 of COPTA 2003 bawhchhia a meizu an man te hnena chawitir tlingkhawm zat chu Rs 600/- anih thu report pek ani a, meizial bawm engemaw zat mana halral ani bawk. Vaihlo leh a kaihnawih thil reng reng Zirna In atanga meters 100 huam chhungah zawrh leh lei khap tlat ani a, puipunna hmun hrang hrang heng Office, Hotel, Restaurant, Bus, Taxi leh mihring phur chi lirthei chi hrang hrang te bakah Zirna-In bul leh Biakin hung chhung ah te meizuk hi khap tlat ani. Meeting hian tahrik ni 17.1.2012 zanah TV talk show neih nise tih a rela, “Ajinomoto leh Acids” ei that lohzia tih thupui hmangin mithiam thlanchhuah bik ten he talk show hi an nei dawn ani. Meeting ah hian Anti-Tobacco Squad member te an tel kim hle a ni.