Vawiin chawhma khan Serchhip District Anti-Tobacco Squad ten Serchhip Khawpui chhunga zirna in hrang hrangte vaihlo leh a kaihhnawih lakah an him em tih an enfiah.

Vawiin hian zirna in 12 an tlawh a, meizuk phallohna hmuna mei zu an awm em tih te, meizuk phal lohna thuziak an tar tha em tih te leh zirna in atanga 100 yard chhungah vaihlo leh a kaihhnawih thil zuar an awm tih te an enfiah a. Heng an tlawhte hian meizuk phal lohna dan a zawm tha thawkhat a, zirna in atanga 100 yard (300 feet) huam chhunga dawr awmte enfiah nghalin, vaihlo leh a kaihhnawih zuar mi 5 manin pawisa chawitir an ni.

Anti-Tobacco Squad hi Pu Lalramnghaka Kawlni, Treasurer Serchhip District Anti-Tobacco Squad hovin an thawk chhuak a, Squad te hian ngawrh lehzuala hma lak chhunzawm zel an tum a ni.