Vawiin khan Aizawl District Anti Tobacco Squad chuan New Market leh a chhehvelah squad drive an nei a, a bik takin COTPA Section 7 (Pictorial Health Warning) zawm that leh that loh enfiahna hun neih pahin puipunna hmun a meizial zu an awm em tih endikna hun neih bawk  a ni. Deputy Commissioner, Aizawl District in ni 17.09.2012 a Pictorial Health Warning chungchanga Public Notice a tihchhuah bawhzuina leh Pictorial Health Warning hmang tura in ngainatthiamna hun  ni 10 a ral tawh avangin vaihlo zawrh hrang hrang Sahdah, Meizial leh Tuibur ah te danin a phut ang Pictorial Health Warning an tar ngei em tih khauh taka enfiah nan hun hman a ni.

Foreign cigarettes,BangladeshlehMyanmaratanga a dan in a phalloh lo lut (Contraband) cigarette zuartute te Pictorial Health Warning hi tar vek tura hriattir an nih angin vawiin khan an tar ngei em tih enfiah nghal bawk a ni. Section 7 zawm tha lo 4 an man a, Section 4 (puipunna hmun a meizuk) bawhchhia 9 man in pawisa an chawitir bawk. Pictorial Health Warning chungchangah vaihlo zuartu tam zawk ten dan an zawm tha chu Squad drive na a kal te an lawm hle a, dan zawm tha lo chu an chungah action an la nghal zel a ni.