3150/2023-2024

Mizoram Cooperative Apex Bank Ltd, Khawzawl Branch chuan Board Of Directors Meeting-in Christmas Charity sem tur a sanction angin vawiin Ni 21.12.2023 (Thursday) chawhnu dar 1:00 pm khan an Office-ah Branch YMA 3 kaltlangin an sem.

Pu C.Lalhmunliana, Board of Director leh Pu Lalfakzuala, Addl DC leh Society hruaitu thenkhatte nen Khawzawl Khawpui chhunga Raltlan chhungkaw 9 te sem turin Branch YMA 3, Khawzawl Electric Veng Branch YMA, Khawzawl Vengthar Branch YMA leh Khawzawl Dinthar Veng Branch Yma –te hnenah sumfai Rs. 30,000/- an hlan.

Hlanna hun hi Branch Manager’s Room, Mizoram Coop. Apex Bank Ltd., Khawzawl Branch-ah neih a ni. Branch Manager, Pu Lalchhuanawman kaihruaiin Pu C.Lalhmunliana, Pu Lalfakzuala, Addl DC te nen thu tlem sawiin an pathum hian Branch YMA 3 te hnenah tanpuina sum hi an hlan a ni. YMA Branch 3 te hnen atang hian tanpuina sem an tum dan tlangpui ngaihthlak a ni bawk.