3151/2023-2024

Mamit 21st December, 2023 : Vawiin khan District Disaster Management Authority, Mamit District chu an Chairman Pu V.L Remliana, District Bawrhsap hovin West Phulpui bula quarry chim chungchanga hmalak dan tur ngaihtuahin thukhawm a ni.

Vawiin DDMA meeting hian ruang 3 tang mek te a chak theih ang ber a khawl leh mihring tha hmangin la chhuak tur a hmalak ni se tih a ni a. Quarry chimna hmunah hian a hmunah JCB tirh a nih tawh bakah Mamit atang ruang lak chhuahna buaipui tur hian SDRF team tirh nghal an ni, a hmuna kal PWD EE report leh hmalak dan tur rawtna te ngaihthlak leh sawiho a niin Chrismas hma ngei a, kawng tlang hman hram tura hmalak tum a ni a. West Phaileng SDO (C) chu Incident Commander atan dah niin SDPO West Phaileng chu Deputy Incident commander ah dah a ni bawk.

Meeting ah hian PD,EE PWD,EE, PHE, SP, Commandant 4 IR leh official pawimawh dang te bakah DC office atang SDO (Sadar) leh District Organiser-te an a ni.