3152/2023-2024

2023 Pawltlak thla ni 21:  Nimin, December ni 20, 2023 (Nilaini) khan Mizoram Co-operative Apex Bank (MCAB), Kolasib Branch chuan Kolasib khawpui chhunga home hrang hranga awmte'n hlim taka Krismas an lo hman ve theih nan thilpek an hlan a. Krismas pual thilpek hi MCAB Kolasib Branch Manager Pu C. Malsawma kaihhruaina hnuaiah thawktute'n home hrang hrangah kal chilhin an hlan a ni.

MCAB Kolasib Branch-in Krismas pual thilpek an sem chhuah dan chu heti ang hi a ni:

1) TNT, Khuangpuilamah buhfai bag 6 leh alu kg 50.

2) ASC Home, Khuangpuilamah pawisafai ₹ 10,000/- (cheng sing khat) leh chithlum mum (sweet) ṭhahnem tak.

3) Enna In Boys Home, Vengthar, Kolasib-ah pawisafai ₹ 10,000/- (cheng sing khat) leh chithlum mum (sweet) ṭhahnem tak.

MCAB Kolasib Branch-in Krismas thilpek an sem bakah hian, Mizoram chhunga MCAB Branch zawng zawngte'n ₹  30,000/- (cheng sing thum) ṭheuhin a mamawhte hnenah Krismas thilpek an lo hlan tawh a. MCAB Head Office, Aizawl chuan ₹ 1,00,000/- (cheng nuai khat) chuang hu Krismas thilpek an lo sem chhuak tawh bawk a ni.