3153/2023-2024

LUNGLEI; the 21st, December'2023: Vawiin khan Lunglei khawpui chhung hmun 3 Zohnuai,College veng leh Venglaiah te Sorkar laipui hmalakna mipui te hnen a hrilhhriatna Viksit Bharat Sankalp Yatra (VBSY )Programme Van No. 1 na hmangin hlawhtling taka hman leh a ni. He hun hi Pu C. Malsawmkima, District Agriculture Officer, Lunglei of chuan kaihruaiin Sorkar laipuiin mipui te tana hamthatna a duan te kan hriat a, kan chhawr tangkai a tul a, chumi atana hetiang hun buatsaih a ni thin chu a lawmawm takzet a ni a ti. Pu Malsawmkima hian PM- Kisan leh Farmer Pension Scheme chungchang te a sawifiah nghal a ni.

 Heng hun hman na ah hian Central Sorkar hnathawh hrang hrang te tarlan a ni a, beneficiary hlawhtling ten an hlawhtlin dan leh hlawkpui dan te an sawi a, Health Department lamin BP leh zunthlum te a duh apiang tan check na hun te siamin BPL family te tan  Golden Card siam nghal a ni bawk.