5/2024-2025 

Khawzawl, 1st April, 2024: Ram chhunga hmun hrang hrang te ang bawkin tukina ruah leh thli thawk khan Khawzawl District chhungah chhiatna a thlen nasa hle a. Thli tleh hian chenna in, dawr, tuizem, tuikhuah leh ran in engemawzat a tichhia a. He thu ziah lai hian thli tleh vanga chhiatna thleng 77 report tawh a ni a, vanneihthlak takin nunna chan erawh an awm lo a ni. Nimin lama chhiatna thleng te nen in 148 lai thli vang hian a chhe tawh a ni.

Tarlan tawh angin thli tleh vanga chhiatna thleng a hriat veleh 22-Tuichang bialtu MLA Pu W Chhuanawma, Dy Govt Chief Whip chuan Khawzawl Bawrhsap Pu K. Lalrohlua  be nghalin vanduaina tawk te chhawmdawl dan tur ruahmanna an siam dun nghal a. Village Council hrang hrang ten DC Office-ah an huamchhunga chhiatna thleng te an report a,  Zonal Officer ten an bial chhunga chhiatna thlenna hmun te an tlawh bawk. Hriat theih chin ah hetiang hi vawiin thli tleh in a tih chhiat te an ni.

Khawzawl Dist Disaster Report.xlsx