4/2024-2025 

Dated Saitual the 1st April 2024: Vawiin chawhma khan kumina Lok Sabha MP General Election lo awm turah avawi 2 na atan Saitual District- a Nodal Officer- te chu DC Conference Room-ah an thukhawm a, meeting hi Dr Lalngura Tlau District ElectionOfficer &ARO chuan kaihruaiin Election atana ruat Nodal Officer 16 te an tel tha hle.

Dr Lalngura Tlau, District Election Officer chuan election hma in office kai ni ni tlemte chiah a awm tawh thu leh tih fel theih ang ang chu peih fel chhoh a hun thawkhat tawh thu sawiin hemi atana inbuatsaihna kalzelah a bikin khuarel chhiatna thleng thei tamtak zingah leimin avanga kawngpui chhia te, tui dinhmun that leh that loh te leh electrict current te pawh harsatna awm palh thei a nih thu leh a theih chin chin lo enfel a inthlan hunah inthlan ti sukuk thei thil awmlo tura theihtawp chhuaha lo inhmakhua lawk turin Nodal Officers kalkhawmte chu a chah a ni.

Mipui thenkhatten vote thlak an ngai pawimawh tawk lo thin chu pawi a tih thu sawiin atam thei ang berin vote an thlak theih nan SVEEP hmanga campaign beihpui thlak mek a nih thu te,nasa lehzuala he campaign hi neih a tul thu a sawi bawk a,DEO chuan he inthlanpui hi ram pum huap nghawng thil anih avangin ngaih pawimawh a tul takzet a ni, a ti.

Vawiin a thutkhawmna ahhian Nodal Officers te an chanpual hrang hrang sawiho niin, kum upa leh tar chaklote bakah  PwD ten vote an thlak theih dan tur leh hma an lak tawh dan te, MCMC chungchangte,security chungchangte,EVM leh a kaihhnawih chi hrang hrang te bakah polling party te thlah leh lo dawnsawn thlengin an inbuatsaihna te kimchang taka thlir ho a ni.