The Representation of the People Act, 1951 hnuaia Section 126 angin vote thlak hun tawp atanga chhiar let a darkar 48 chhung Inthlan Campaign khap a ni a, April ni 9, 2019 tlai dar 5:00 atanga April ni 11, 2019 tlai dar 5:00 thleng he khapna hian a huam a, heng a hnuai ami te hi hemi hun chhung hianmitinin zawm ngei tur a ni :
1. He Silence Period chhung hian Star Campaigner te, Political Party hruaitute, Candidate te leh anmahni aiawhtute tumahin Press Conference leh Interview neih phal a nilo.
2. Khapna in a huam chhungah hian Vantlang aurinna hmanga inthlan campaign thu leh hla voters te rilru hneh thei thil puan phal a nilo
3. Khapna in a huamchhungah hian musical concert, vantlang inkhawm, kawngzawh leh voter te hip thei thildang engmah huaihawt phal a nilova, Television leh Radio ah te sawihona (panel discussion) leh inthlan thlirlawkna ang chi party leh candidate tu emaw hlawkpui theih tur thil tihchhuah khap ani bawk.
4. Vote thlak ni ah Candidate, Candidate Agent leh Party worker ten phalna pek sa lirthei pakhat theuh bak an hmang thiang lova, heng lirtheiah te hian driver telin mi panga aia tam chuan phal a nilo, Candidate te roll a an awmna constituency nilo constituency dangah an awm anih chuan midangin a motor an lo hman phal a nilo.
6. Polling Station atanga metre 100 huamchhungah voter te thlem leh biak tlawn phal a nilova, mobile phone/cordless phone pawh inthlan buaipuitu official te bakin hman phal a nilo.
7. Dry Day Sawrkarin alo puan tawh chu khawng taka kalpui ani ang.
He khapna thuchhuah in a huam chhungah hian Model Code of Conduct bawhchhiatna a awm chuan Returning Officer leh Assistant Returning Officer te hnenah leh Aizawl DEO Office-a Toll Free number 1950 ah engtiklai pawhin biakpawh theih an ni a, hei bakah hian cVIGIL mobile application kaltlangin complaint thehluh theih a ni a (cVIGIL apps hi Google Playsore atang a download theih a ni). Heng complaint lo lut te bawh zui tur hian Constituency tinah Flying Squad leh Static Surveillance Team te engtiklai pawh a chechhuak turin an inring reng a ni.
Heng thupek zawmlo te chu Section 126 of The Representation of People Act, 1951 hnuaiah tangka chawitir emaw, kum hnih thleng Jail tan tir emaw, a pahnih emaw a hrem theih an ni.
