Vawiin khan DC Office Chamber-ah Dr. Lalrozama, IAS, District Election Officer, District Bawrhsap ni bawk hovin EVM leh VVPAT Manual Randomization thumvawr hmangin neih a ni.

Mamit District tan hian Special Polling Station pakua, Bru Transit Camp Tripura-a Voters te'n Kanhmun khua-a Vote an thlakna turin siam a ni a. Heng Special Polling Station pakua-a hman tur Control Unit, Ballot Unit leh VVPAT a hranpa theuha thumvawra pawh niin ruahman fel a ni.

Special Polling pakua atana Randomization vawiina tih hi Mamit District huam chhunga Constituency pathuma EVM leh VVPAT EVM Management Software (EMS) hmanga Randomization tih tawh hnuah Reserve a mite an ni.

Vawiin Manual Randomization neihna-ah hian Dy. District Election Officer, Election Officer, EVM Nodal Officer bakah Political Party aiawhte an tel a ni.