Vawiin khan Kolasib DC Conference hall ah MP (Lok Sabha) inthlanpui lo awm tur a tana Kolasib district huam chhunga PwD Voters ten Vote an thlak dan tur kawng ruahmanin General Observer Pu Pranjal yadav, IAS hoin thutkhawna neih a ni.

Pu Zoengsanga District election Officer chuan vohbik te dinhmun chu ngaih pawimawh ngai tak ani tia sawiin Vote an thlak ve theihna tur kawng ngaituahpui tura kalkhawm MPF leh khawtlang hruaitute chu lo lawmin inthlania kalphung felfai tak zawm a nih theih nan thawhopui ah a sawm bawk a ni.

Thutkhawna a report in a tarlan dan in Kolasib District ah PwD Voters mi 159 an awm a, heng zingah hian ke a kal theilo buaipui ngai te chu thlan chhuah an ni anga, Vote thlak ni ah Polling Official te Motor hmangin MPF hruaitu/duty ten an buaipui dawn a ni, hemi a tan hian Polling Officials te leh an lirthei thununtu (Driver) te chu thu leh kalphung zawm tur (instruction) felfai taka hriattir nise tia rel bawk a ni. Hemi bakah hian damlo leh Kum lama Upa vote thlak duh te chu Polling Official te motor hman tur remchan na ah chuan (remchan chauh chuan) hruai phalsak an ni bawk ang.

Thutkhawm ah hian inthlan kaihhnawiha Vohbik Vote nei buaipuitute, lirthei lam buaipuitute, MPF leh khawtlang hruaitute an kalkhawm a ni.