Lok Sabha MP Election 2019 inbuatsaihna kal zelah Polling Official ten vawiin nileng khan Serchhip DC Conference Hall leh Govt. Higher Secondary School, Serchhipah Final Training an nei.

Serchhip District chhunga Assembly Constituency pathum - 26th Serchhip AC, 27th Tuikum AC leh 28th Hrangturzo AC  a Polling Station 77 a duty tur Polling Official te  hi Serchhip District Election Master Trainers 5, Pi Pinky Zosangpuii, SDO (C), Thenzawl, Pi C. Lalduhzuali, Settlement Officer, Serchhip, Pi Dorothy Muansangi, SDO (C), N. Vanlaiphai, Pu Ngurthansanga, SDC, Serchhip leh Pu Lalhruaitluanga, DLAO, Serchhip ten an hriattur pawimawh hrang hrangte an zirtir a. Inthlanna hmanrua (EVM & VVPAT) enkawl dan leh senghawi dan turte, Voter te chhinchhiah dan tur leh ECI in tihtur a tih ang thiltul pawimawh hrang hrangte inhrilhhriatna hun hman a ni.

Polling Booth tina duty tura ruatte hi inthlanna hmanruate a taka hman chhin tir an ni a, zawhna leh chhanna hun hman anih bakah inthlanna hmanraw chungchanga harsatna thleng palh theite leh buaipui dan turte zirtir an ni bawk.