Tun hnaia Ar natna an tih mai Avian Influenza chuan Manipur-a lo thlen tak avangin vawiin khan Commissioner & Secretary, Pu K.Lal Nghinglova Office Room-ah A.H & Vety Department hotute emergency neiin an thu khawm a, chuta an thurel thenkhat te chu :
Manipur atanga Ar lam chi hrim hrim leh a tui lak luh khap turin Champhai leh Kolasib D.C te hriattir an ni a. Champhai District-a Khawkawn khuaah thla hnih chhung atan Temporary Check Gate siam nghal tur a ni. District tin Veterinary Officer te englai pawh a beng chhi reng a awm tura hriattir an ni a. Directorate Office leh Champhai leh Kolasib District ah te Control Centre din nghal a ni.
Chungte chu :
1. 9436152232 (Dr. Jasper Rongura Sailo)
2. 9436151203 (Dr Esther Lalzoliani)
3. 9436140184 (Dr. Lalchungnunga Pudaite) for Champhai
4. 9436151207 (Dr. C.Lalrintluanga) for Kolasib
Ar vulh tupawh a pul ang chi-a Ar 2-3 thi hria te chuan control centre hriattir vat tur a ni. Mipui te hnenah he natna avanga Ar thi reng reng chu a khawih pawh khawih lo tur a hriattir an ni a. Ar dam tha pangngai lak atangin natna kai theih a ni lova. A sa siamsa ei pawh a hlauhawm bawk lo a ni.
He natna a lo thlen pawha in kaihhruaina Standard Operating Procedure dingsa pawh tihnun nghal niin theihtawp chhuah a hmalak nghal a ni. Tun dinhmunah chuan Manipur atnaga lokal nilo ar leh artui te chu lakluh khap a ni rih lo.
