Vawiin khan Champhai District Anti Tobacco Squad chuan Mizoram State Tobacco Control Society Coordinator, Champhai District, Pi Vanlalmuanawmi hovin zuk leh hmuam zuar zingah COTPA Dan bawhchhia an awm leh awmloh enfiahin Squad Drive an nei.

Squad Drive-ah hian Champhai Vengthlangah kalin sumdawng zinga zuk leh hmuam zuar te an endik a. COTPA dan hnuaia section 7-in a phalloh, hriselna atana vaihlo thatlohzia lantirna pictorial health warning tarloh - chu zuar dawr pathum an awm tih hmuhchhuah a ni a. Heng dan phalloh meizial zawrhte hi ram pawn atanga lo lut an ni a. Man sak an nih bakah warning tar lohnaah te chuan bel chawp zel turin an hrilh nghal bawk a ni.