Vawiin hian Lawngtlai DC Conference Hall ah Integrated District Plan Proposal te thlir hona neih a ni a, Lawngtlai District atanga thlan tlin MLA pathum leh LADC CEM ten an hman pui.

Lawngtlai Bawrhsap Pu J. Hmingthanmawia, MCS kaihhruaiin Integrated District Plan Meeting hi neih a ni a, Line Department hrang hrang atanga Integrated District Plan hnuaia hnathawh tura rawtna lo lutte chu chipchiar taka en ho a ni. He Meeting hi Minister of State for AH & Vety Pu C. Ngunlianchunga te, Minister of State for Fisheries Dr. BD Chakma te, Parliamentary Secretary for Higher and Technical Education Pu H. Zothangliana te bakah LADC Chief Executive Member Pu V. Zirsanga ten an telpui a ni.

Integrated District Plan hi Central sawrkar, Ministry of Panchayati Raj hnuaia kalpui tur Programme niin a bul tan nan Mizoram a District Pahnih, Saiha leh Lawngtlai District chu thlan hmasak an ni a, he programme hnuaiah hian District chhunga hmasawnna hrang hrang siamna tur pawimawh tak takte chhawp chhuah niin, chung chhawpchhuahte (Proposal) te chu District in a pawm fel hnuah ah Central sawrkar a la thehluh leh tur a ni.