Tun thla tawpa Village Council inthlan lo awm tura Serchhip District-a Candidate tamna ber chu North Vanlaiphai a ni a, General Seat 5 chuh tur Candidate 19 leh Reserved Seat (Hmeichhe pual) 2 chuh tur Candidate 10 awmin an vaiin Candidate 29 an awm a ni.

Tarlan tawh angin Serchhip District a Village Council inthlanna neih turah hian General Seat 159 chuh turin candidate 443 an awm a, heng zinga 69 te hi Independent candidate an ni a, Reserved Seat (hmeichhiate tan bik) 56 chuh turin candidate 144 an awm a, heng zinga 20 te chu Independent candidate an ni a. General Seat leh Reserved Seat belhkhawm Seat 215 chuh turin Candidate 587 an awm a ni. Hetih lai hian Baktawng Tlangnuamah VC seat 5 awmin, VC inthlan neih ngai lovin Congress candidate 4 ( Gen 3 leh Reserved 1) leh MNF candidate (Gen 1) te chu nimin khan chuhtu awm lova tlinga puan an ni tawh bawk.

Naktuk April ni 24, 2015 hian Serchhip DC Conference Hall-ah Inthlan buaipuitu tura ruat Presiding Officer leh Assistant Presiding Officer te training pek an ni ang.