Vawiin khan Advanced Research Centre for Bamboo and Rattan(ARCBR), Bethlehem Vengthlang bul tumin ARCBR Conference Hall-ah ni hnih awh tur Farmers’ Training neih a ni a. He hunah hian Pu L. Murray, State Mission Director, National Agroforestry Bamboo Mission chu khuallian a ni a, Pu Rongura Hrahsel, Sairang RO leh ARCBR Scientists te chu resource persons an ni bawk. 

He training programme-in a tum ber chu mau leh hruipui chin dan leh mau meihawlsiamdan loneitute hrilh hriat a ni a. He Training-a khuallian PuMurray-a chuan mau hlutzia leh tangkaizia te, sum siamna awlsam tak a nih mai bakah a chin leh enkawl vel pawh thil hautak a nih lohziate sawiin tun lai khawvelah thing a tlem tial tial a, reilo teah mau chu thing rawn thlak mai theitu tur a nih zia te a sawi bawk a ni.

 Ni hnih chhung awh he training-ah hian loneitute chu mau leh hruipui chin pun dan te zirtir an ni ang a, mau meihawl siam dan leh hman tangkai dan zirtir an ni  bawk.  Chite Veng, Armed Veng South leh Bethlehem Vengthlang atangin loneitu thenkhat an tel  bakah ARCBR office staff te pawh an tel kim hle.