D.C Conference Hall, Mamitah vawiin khan District Level Fire Prevention Committee chu an Chairman District Bawrhsap Pi Lalbiaksangi hovin an thukhawm a, Lo hal hun sorkarin a bituk chhunga hal lote chungchang ngaihtuah ho a ni.

Pi Lalbiaksangi chuan in zirtirna leh inhrilhhriatna tha tak neih a ni chung a Lo hal hun chhunga sorkar-in March 15 thlenga a bituk zawm lo thahnem tak an awm chu pawi a tih thu sawiin, khauh taka hmalak a ngaih thu a sawi a.

Pu C. Lalbiaka DFO Mamit leh Pu Lalnunsanga Khawlhring, DFO Kawrthah te’n an bialchhunga March ni 15 hma a Lo hal leh hal lo te tarlangin, Phaizau khua tih lovah ram vahbak kang a awm loh thu an tarlang bawk.

March ni 15 a lo hal lote hriattheih chinah :- 1)W. Serzawl In 5; 2)Mamit In 42; 3) N. Sabual In 2; 4) Suarhliap In 28 niin Darlak, Borai leh Khanthuam khua In thenkhat Lo hal lo hrim hrim an awm bawk.

Vawiin Meeting-ah hian Sorkar thupek zawm lote chungah hmalak dan tur sawi ho a ni a, Dan in a phal anga na taka hmalak ni se tiin rel a ni a, tun thlenga la hal lote hal tawh lo tura hriattir ni se tih a ni bawk.