No.3303/2021-2022

Aizawl, the 7th December 2021: Vawiin khan rampum rualin Mizoramah pawh Sainik Welfare & Resettlement chuan Armed Forces Flag Day an hmang.

Armed Forces Flag Day ni hian indonaa sipai nun chan ta nupui fanau te, hliam tuara ramtuileilo a awmte leh ex-Servicemen leh hmeithai (war widow) harsa zualte tanpui nan, mi tlawmngaite leh mi inphalte hnen atangin tanpuina khawn thin a ni. Kum dangah chuan mipui nawlpui leh tlawmngai theite hnen atangin tanpuina hi khawn thin a ni a, kumin hi hripui leng avangin mipui nawlpui hnen atanga khawn a rem hrih lo a, chuvangin sorkar office hrang hrangah car flag, sticker leh lapel badge thlan bikte hnenah zawrh a ni.

Hripui boruak avangin mipui atanga khawn a rem loh avangin vawiin khan Chief Minister hnenah khawn a ni a. Nimin December ni 6 khan Mizoram Governor hnenah Flag Day Fund donation hi khawn a ni tawh bawk a ni. Hemi Ni pualin Sainik Welfare & Settlement hotute chuan sipai bang leh hmeithai harsate hamthatna tura hma lakpui tur kawng hrang hrang Chief Minister leh Governor te hi an sawipui nghal bawk a ni.