No.6785/2020-2021

Thian duhtakte u,

Kan hriat theuh angin kumtin Armed Forces Flag Day chu  December ni 7 hian rampum huapin kan hmang ziah thin a. He ni pawimawh tak hi min venghim tura  kan tana nun lo hlan tawh tu sipai huaisen, kan pasalthate leh tuna kan sipai ni mekte hi mipui ten kan thlawp tlat a ni tih kan lanchhuah tirna hun a nih  bakah anmahni   chawimawina leh zahna kan lantirna hun a ni.

Kan sipairualte hi  min venghimtu leh kan thlamuanna  an ni a. Anni hi Vur hnuaiah leh khawvawt karah te , ei leh in tur mumal awm remchan lohna hmun bakah hun khirhkhan tak tak karah te pawh tan rinawm taka  ding tlat thin a ni. Engtik lai pawhin Khawmualah te, tuipui chungah te  leh boruakah te kan ram venhim hna an thawk reng a. Armed Forces Flag Day-ah hian Sipai chi thum - Army, Navy leh Air Force a thawk, kan nula leh tlangval huaisen te, kan ram ropui tak venghim tura nuna hlantute inpekna te hre thar leh turin kan in chah nawn leh a ni.

Armed Forces Flag Day pual hian  khua leh tui te zawng zawng te chu  tanpuina thil pek phal taka pe chhuak turin kan in sawm a.  Armed Forces Flag Day hi awmze nei taka hman niin kan hman chhan langsar zual te chu heng te hi a ni :-

(a) Indona hmuna sipai thi, hliamtuar leh Indona in a nghawng avanga  harsatna tawk, sipai te dinhmun siamthat .

(b) Ex- Servicemen leh an chhungkua ten in leh lo an din that leh theihna   tura tanpui. Tin, Ex- Servicemen leh an chhungkua te tana hamthatna ngaihtuahsak.

(c) Sipai a tang mek leh an chhungte puala hamthatna ngaihtuahsak,   te a ni. 

Kan Chief Minister hlui 3(Pathum) lai chu Sipaiah an lo tang tawh tih ka hria a, an chhuanawm a, an ngaihsanawm bawk a ni. Hei hian India ram venhimna kawngah Mizo mipuite an thawhhlawk zia a ti lang chiang em em a. Ram vehimna kawngah hian Mizo mipuite hi kan duai lo hle a; zah pawh kan phu hle in ka hria a ni. 

Kan ram thuneihna, kan inpumkhatna leh kan zahawmna humhim tura kan sipai huaisen te mawhphurhna te hi a pawimawh takzet a. Ram mipuite venghim tura kan sipai chi hrang hrangte inpekna hi a ropui hle a ni. 

Kum danga kan lo tih thin ang thovin kumina Flag Day pual hian Mizoram pumah Vehbur khawn mek a ni a. Khua leh tui zawng zawng – sawrkar hnathawk te, sumdawng te leh mimal tin te pawh thinlung inhawng taka kan sipaite puala Thawhlawm lo thawh theuh turin kan in sawm a. He ni pawimawh takah hian  Ram leh hnam venhimna atana nunna hlantute zahna chibai buk thar lehin an kalsan tak - an chhungte tha taka lo tuamhlawm hi kan mawhphurhna a ni tih i hre thar leh ang u. 

Tun hun hi tanrual hun a ni a, tuna pawnlam atanga kan ram thuneihna ti derthawng thei zawnga min bei mek tute an awm lai hian kawng engkimah kan sipai huaisen te thlawp zawnga kan tih theih a piang te kan lo tih ve zel hi kan mawhphurna pawimawh tak a ni tih hre thar leh turin kan in chah bawk a ni.

Jai Hind