India ram hmun dangte rualin vawiin khan Armed Forces Flag Day chu Sainik Welfare kaihhruaiin hman a ni a. Indonaa boral ta te leh hliam tuar avanga ramtuileilo hna pawh thawk chhunzawm theilo tan te; sipaite thihsan nu leh pa, nupui fanau ten harsat, damloh leh chhiat an tawha chhawmdawl nan mai bakah ram tana an thawh ropuinate hriatreng nan leh chawimawi let vena atan mi tlawmngaite hnenah vehbur an khawn a ni.

Indopui a lo tawp khan hnehna lawmin sipaite chu bunker/trench khur atanga lo zuang chhuakin indona hmuna pangpar awmchhun poppy par thliakin an kawrahte an inthiah sak tawn a. Hun a lo her chho zela, he pangpar lem hi hnehna lawm ni atana siamin zawrh chhuah a lo ni ta a ni.

Vawiin hian Car leh Sticker Flag zuara tanpuina khawna ni a, cheng singli sangriat zahnih sawmsarih pahnih hmuh a ni. Sainik Welfare Department chuan tlawmngaia thawhlawm petu zawng zawng hnenah lawmthu a sawi a ni.