Social Welfare department bultumnain leh hmalaknain vawiin khan ruihhlo drugs dona tura Drafting Committee on Comprehesive Drugs Policy for Mizoram in ruahmanna a duan chu vawiin khan Chief Minister Pu Lal Thanhawla kaihhruai High Level Monitoring Committee pawmpui tura chhawpchhuah chu Chief Minister’s Office cabinet roomah sawiho anih hnuah committee chuan a pawm. He draft policy hi Chief Secretary hona hnuaia pawm alo ni tawh a ni.

Committee ah hian Mizoram chu drugs tawlhrukna kalkawngah hman anih thin thu leh drugs ti thin tam tak an awm thu sawilan a ni a. Drugs zinga amphitamine (meth tia hriat bawk) hlauhawm bikzia leh Mizoramah nasa taka tawlhruk anih thu tarlan a ni a. Mizoramah drugs ti thinte dinhmun hrechiang turin survey neih a tulzia sawilan a ni a, drugs policy hi India ramah Punjab state chauh tih loh chu policy nei state dang an awm loh thu tarlan a ni. Drugs hrim hrim chungchanga Mizoramin a hranpaa dan ala neih loh thu leh NDPS Policy 2012 chu duhkhawp anih loh thute sawiho a ni a. Mizoram Drugs Policy tur hian policy duan chhan, a thil tum, a hmanrua leh kalpui dan tur, a vil zuina lam leh department hrang hrang 11 intelkhawma hmalak hona tur a nih tur thute tarlan a ni. Policy tum bulpui ber chu ruihhlo ngai te rilru, taksa leh thlarau zawng zawnga drugs laka fihlim nun an neihna tura hnathawh a ni.

Department hrang hrang thawkho turte chu SWD, H&FW, Home(Prison), MSACS, Education, H&TE, L&E, IT, SYS, I&PR, Home CID (Crime) leh END te an ni a, hnathawh tur bituk sak vek an ni. Chief Minister chuan department hrang hrang thawkho tur an nih avangin thawhhona tha, coordination a pawimawh hle dawn a ni a ti.

Committee ah hian Minister te leh mipawimawh tak tak an tel a ni.