No.867/2021-2022
Aizawl 8th June 2021: Vawiin khan Aizawl DC chuan Armed Veng Local Council area hmun thenkhat chu Containment Zone/Area-ah puan tawh chu hlih a nih thu a chhuah a. Hemi chungchanga DC thuchhuah chu a hnuai ami ang a ni e.
The Mizoram Epidemic Diseases (CoVID-19) Regulations, 2020 Para 11(1)(b) behchhan leh Aizal DC office lehkha No. C.16011/298/2020- DC(A)/Lockdown Dt. 24/05/2021 hmangin Armed Veng Local Council area hmun thenkhat chu Containment Zone/Area-ah puan a lo ni tawh a.
Chief Medical Officer, Aizawl East in a hnuaia hmun tarlan huam chhung ami te hi tun dinhmunah mi tumah COVID-19 avanga dinhmun hlauhthawnawm ah an awm tawh loh avangin Containment Zone/Area hi hlih rawtna a rawn thlen a. He rawtna ang hian a hnuaia hmun tarlan, Containment Zone/Area-a lo puan tawhna chu 8.6.2021 (Tuesday) Zan dar 7:00 PM atangin hlih nghal a ni.
“Hemi bak Ni 24.5.2021 Armed Veng Local Council area a Containment Zone/Area lo puan tawh huam chhunga a hnuai ami te hi Containment Zone/Area ala ni chhunzawm zel ang”.
1. Armed Veng North Presbyterian Biak In opposite kawng thlang lamah Pu K. Chhawntluanga (H.No. A-38) In atangin Pu PC Vanlalruatpuia (H.No. A-35/B)
2. CP Road chhak lamah Pu K. Lalchhawna (H.No. A-22) Colony.
3. CP Road kawng phei zel ah Pu Thaneihtluanga (H.No. A-) Colony atangin Pu R. Lalramnghaka (H.No. A-5/1)
Covid 19 laka kan himna tur a sorkar kaihhruaina (SOP) siamte vengchhung mipui ten zawm tha chhunzawm zel tur a hriattir an ni e.
