No.866/2021-2022


Aizawl 8th June 2021: Covid-19 hri leng hluarna hmunte containment Zone/Area-a puan an ni thin a, chutiang hmunahte chuan hri lengin ziaawm lam a pan a, inkaichhawng an awm ta rih lo ni a hriat a nihin Containment Zone/Area hi hlih theih a ni. Director, Health Services lehkha Vide No. C.18018/3/2020-DHSE (Covid-19) Dt. 7.6.2021 behchhanin DC, Aizawl District chuan Containment Zone/Area hlih dan tur inkaihhruaina chu a hnuaia mi ang hian a ni tih mipuite a hriattir-

1. Containment Zone/Area chhunga positive hmuh chhuah hnuhnun ber chu-

i)ZMC/CCC/4C ah emaw lak hran a nih atanga ni 7 (sarih) chhunga positive thar an awm loh chuan, a chunga damlo lak hran khian negative result nei kher lo mah se containment Zone hi hlih dil theih a ni.

ii) Home isolation-a awm a nih erawh chuan khung hran anih atanga ni 10 (sawm) chhunga positive thar an awm loh chuan, a chunga damlo home isolation-a awm mek khian negative result nei kher lo mah se containment Zone hi hlih dil theih a ni.

2. Amaherawhchu, home isolation-a awm chu strict taka vil a enkawl zui tur a ni.
Containment zone hlih a nih hnuah chu lai hmun vekah  emaw, buffer zone-ah emaw positive thar an awm leh chuan, case 2/1 pawh ni se, Micro-Containment Zone/Area/building-a puan leh nghal tur a ni thung ang.