Vawiin dar 11:00 am khan AH&Vety Minister Pu Nihar Kanti Chakma chuan arnote tha chi tam tham tak Aibawk RD Block leh Thingsul RD Block area a BPL chhungkua te hnenah Rural Backyard Poultry Development Project(RBDP) kaltlanga sem chhuah tur in AH&Vety Farm Complex, Selesih atangin a vai liam. Heng arnote semchhuah te hi artui tui tam chi GGF1(grow,grow fast 1) ni a, Mizo ar ang in anmahni a tlat tir mai theih a ni. He scheme hnuaia senso hi Central sawrkar in BPL chhungkua te an lo hrisel zawk nan leh artui hnianghnar zawk a an ei ve theih nan a rawn tum sak a ni.Vawiin a thawhkhat na ah hian BPL chhungkaw pakhat tan arnote 30 theuh - Sumsuih, Tachhip, Chamring leh Lamchhip khua BPL chhungkua te hnenah sem a ni anga. He project hnuaia kal pui tum dan ang chuan Aibawk Block hnuaia khaw 14 leh Thingsul Block hnuaia khaw 11 a BPL chhungkaw 500 hnenah sem tur a tih a ni. Arnote hi sem chhunzawm zel tur a ruahman niin Aibawk leh Thingsul RD Block tan ringawt hian cheng nuai 213 central sawrkarin a phal sak tawh a, nuai 40 installment vawi 2 atangin hmuh a ni tawh a ni. RD block dang te tan pawh Central ah proposal thehluh tawh nii Pilot project -Aibawk leh Thingsul RD Block a hlawhtlin danah a in nghat hmasa a ni.
Minister chuan RBDP chu centrally sponsored scheme a nih avangin a lian tham a, Mizoram hmun dangah pawh kal pui zel tum a ni a, chu mi ti thei tur chuan Aibawk leh Thingsul RD Block chhunga he Scheme atanga tanpuina dawng hmasa tute hian hnatha tha leh mittlung an thawh hmasak a ngai a ni a ti. AH&Vety Department in a tih tur ti tawh mahse he scheme hlawhtlinna ah chuan a dawngtu mipuite an pawimawh ber thu a sawi a. Heng arnote semchhuah atanga artui tharchhuah te hi sumdawnna thil atan hman tur a ni loh thu a sawi bawk.Pu T.Sangkunga, AH&Vety Secretary chuan India ramah ram hmasawna ruhrel tihchangtlun nan mimal leh company te'n nasa taka hna an thawh tak avangin India Sawrkar pawh a hausa chho mek a, mipui leh vantlang tih hmasawna lamah sum pawh a ren lo hle a ni a ti. Central sawrkar duhdan angin RBDP pawh hi kalpui a tul thu a sawi a. Tuna arnote an semchhuah tak te hi a sa ei tur atan a vulh tur a ni lova BPL chhungkua te'n artui hnianghnar taka an ei thei nan a ruahhmanna a nih thu a sawi.
Dr L.B. Sailo, Director, AH&Vety chuan Aibawk leh Thingsul RD Block te chu an pilot project a nih thu a sawi a. He pilot project RBDP hnuaia kal pui tur senso atan hian central in nuai 213 a remtih tawh thu thu leh first installment leh second installment ah nuai 20 ve ve release tawh a nih thu a sawi bawk. RBDP scheme in kalpui a tum dan chuan cheng nuai 20 hi BPL chhungkaw 900 vulh tur arnote lei nan a ruahman a ni a ti.RD Block dangah te kalpui a nih ve theih nan an pilot project chu a hlawhtlin ngei a beisei thu a sawi.
Dr L.B. Sailo, Director, AH&Vety chuan Aibawk leh Thingsul RD Block te chu an pilot project a nih thu a sawi a. He pilot project RBDP hnuaia kal pui tur senso atan hian central in nuai 213 a remtih tawh thu thu leh first installment leh second installment ah nuai 20 ve ve release tawh a nih thu a sawi bawk. RBDP scheme in kalpui a tum dan chuan cheng nuai 20 hi BPL chhungkaw 900 vulh tur arnote lei nan a ruahman a ni a ti.RD Block dangah te kalpui a nih ve theih nan an pilot project chu a hlawhtlin ngei a beisei thu a sawi.
