Vawiin chawhnu dar 1 khan Govt.H.S.S. Field ah Chief Minister Pu Lal Thanhawla chuan NRHM suma lei thar Sumo Ambulance 10, TATA Winger 1 leh Bus 1 a vai liam.
He Flagging Off programme hi Parliamentary Secretary Pu S.Laldingliana'n a kaihruai a, central sorkarin hriselna a ngaihpawimawhzia sawiin sum pawh hemi atan hian thahnem tak min pe thin a, heng sum te hi dik tak leh felfai taka hman kan tum a ni, a ti. Health Minister Pu Lalrinliana Sailo chuan hriselna lama sorkar hmalakna zawng zawngte puanzar vek sen a nih loh thu te sawiin mipuiin an chhawr tangkai chuan a lawmawm tawk em em a ni, a ti a. NRHM hnuaia hmalakna ah pawh Mizoram chu ram puma thawk tha pawl ni pha-in hmarchhak bikah pawh a ti tha ber dawttu kan ni, a ti. Mipuite hriselna ngaipawimawha, rim taka thawktu Programme Officer te zawng zawng chungah lawmthu a sawi a, vawiina Bus thawn chhuah hi diagnostic facilities te, X-Ray, Ultrasound, Microscope, Semi Autoanalyzer, Generator etc. te-a thuam vek a nih thu a tarlang bawk.
Chief Minister Pu Lal Thanhawla chuan thu sawiin Mizo te zingah Cancer vei kan tam em em a, mi hausa leh Officer te tan phai lama inenkawl a harsat loh laiin mi tam tak chu harsa chung chunga inenkawl ngai te an ni a, chumi hriain Sorkar chuan damlo te inenkawlna leh thlen nan Mizoram House sak a nih thin thu a sawifiah. Sorkarin sum tam tak senga hma a lakna hrang hrangah sum engemaw zah hmuh let tur a beisei thin a ni tih chu sorkar hnathawk zawng zawng ten an hriat a duh thu Chief Minister chuan a tarlang a. Kan mamawh leh thawhchhuah ngaihtuah chunga central sorkara sum zuk dil hi a zahthlak thin a ni tiin Chief Minister chuan mipui te pawhin sorkar hmalakna a nih vanga a thlawna dawn tur zawng ringawta thlir lova, a chhawrtu kan nih anga tlema zawng kan lo insen ve chu mitin mawhphurhna a nih hre tlang turin a ngen bawk. Health department hotute leh Doctor rual kalkhawmte chu a hniam zawk pawm mai lova quality ngaipawimawh thin turin a fuih a, thawktu inthlahdah te sorkarin a ngaihtheih loh tur thu sawiin Pu Lal Thanhawla chuan insiamthatna tur tam tak kan nei a ni, a ti. Lainatna nen, missionary rilru pu-a thawk thin tura sawmin an hnuaia thawktu junior zawkte pawh chutiang zawnga kaihruai thin turin a chah bawk. Health Care Scheme chungchangah BPL chhungkua te chawitir kher chu sorkar chuan tha a tih loh avangin awltir tum an nih thu a sawi lang bawk. Tun aia tha zawka hriselna lama hmalakna kalpui a nih theih nan Doctor te chu an ngaihtuahna te hmanga theihtawp chhuah turin a ngen bawk a ni.
Vawiina motor vailiam te hi Sumo Ambulance 10, Tata Winger 1 leh Bus 1 an ni a, Sumo Ambulance te hi Phuaibuang, Sairang, Bukpui, Marpara, Cherhlun, Chhipphir, Khawhai leh Lungpher PHC te leh Tlabung leh Kulikawn Sub-Division Hospital te tan a ni a, Tata Winger (12 seater) leh Bus (24 seater) te hi Cancer patients te tana ruahman a ni. Hemi rual hian Serchhip, Lunglei, Lawngtlai leh Saiha District te tan thosilen 8000 (truck trip 4) thawnchhuah a ni nghal bawk. Thosilen hi malaria tamna hmuna sem tura ruahman a ni a, tunah hian NRHM suma lei thosilen 71,000 kalkawngah a lo kal mek a, central sorkar atangin thosilen damdawia chiah 80,000 beisei mek a ni bawk a ni.
Chief Minister Pu Lal Thanhawla chuan thu sawiin Mizo te zingah Cancer vei kan tam em em a, mi hausa leh Officer te tan phai lama inenkawl a harsat loh laiin mi tam tak chu harsa chung chunga inenkawl ngai te an ni a, chumi hriain Sorkar chuan damlo te inenkawlna leh thlen nan Mizoram House sak a nih thin thu a sawifiah. Sorkarin sum tam tak senga hma a lakna hrang hrangah sum engemaw zah hmuh let tur a beisei thin a ni tih chu sorkar hnathawk zawng zawng ten an hriat a duh thu Chief Minister chuan a tarlang a. Kan mamawh leh thawhchhuah ngaihtuah chunga central sorkara sum zuk dil hi a zahthlak thin a ni tiin Chief Minister chuan mipui te pawhin sorkar hmalakna a nih vanga a thlawna dawn tur zawng ringawta thlir lova, a chhawrtu kan nih anga tlema zawng kan lo insen ve chu mitin mawhphurhna a nih hre tlang turin a ngen bawk. Health department hotute leh Doctor rual kalkhawmte chu a hniam zawk pawm mai lova quality ngaipawimawh thin turin a fuih a, thawktu inthlahdah te sorkarin a ngaihtheih loh tur thu sawiin Pu Lal Thanhawla chuan insiamthatna tur tam tak kan nei a ni, a ti. Lainatna nen, missionary rilru pu-a thawk thin tura sawmin an hnuaia thawktu junior zawkte pawh chutiang zawnga kaihruai thin turin a chah bawk. Health Care Scheme chungchangah BPL chhungkua te chawitir kher chu sorkar chuan tha a tih loh avangin awltir tum an nih thu a sawi lang bawk. Tun aia tha zawka hriselna lama hmalakna kalpui a nih theih nan Doctor te chu an ngaihtuahna te hmanga theihtawp chhuah turin a ngen bawk a ni.
Vawiina motor vailiam te hi Sumo Ambulance 10, Tata Winger 1 leh Bus 1 an ni a, Sumo Ambulance te hi Phuaibuang, Sairang, Bukpui, Marpara, Cherhlun, Chhipphir, Khawhai leh Lungpher PHC te leh Tlabung leh Kulikawn Sub-Division Hospital te tan a ni a, Tata Winger (12 seater) leh Bus (24 seater) te hi Cancer patients te tana ruahman a ni. Hemi rual hian Serchhip, Lunglei, Lawngtlai leh Saiha District te tan thosilen 8000 (truck trip 4) thawnchhuah a ni nghal bawk. Thosilen hi malaria tamna hmuna sem tura ruahman a ni a, tunah hian NRHM suma lei thosilen 71,000 kalkawngah a lo kal mek a, central sorkar atangin thosilen damdawia chiah 80,000 beisei mek a ni bawk a ni.
Attachment
- Loading attachment...
