3761/2022-2023

Aizawl the 4th March 2023 : Zanin khan MZI buatsaih Chapchar Rimawi Kut, 2023 chu Art and Culture Minister Pu R. Lalzirliana hovin Sipai Lammual ah second session hman a ni a, chhunlamah first session hman niin hetah hian zai rimawi hrang hrang ngaihthlak a ni.

Minister Pu R. Lalzirliana chuan thu sawiin Chapchar Rimawi Kut hmang tura lokal zawng zawngte chibai a buk a, thuawihna nena Mizo kan nih anga a huna hotute thu anga awm thei, hnam hmuh a mawi taka khawsa thei kan nih avangin lawmthu a sawi a. He rimawi Kut hi Chapchar Kut kaihnawih a ni a, Mizo nunmawi chawisan a tul zia thangthar ten kan hriat thar a pawimawh a, Pi leh pu ten aia upa an zahthiamna te, hmeithai leh harsa zawk thin dan te hre rengin, zofa mizo nula leh tlanval ten huaisen taka dikna tan chhuak ngam turin a chah a, rimawi kan ngaihthlak tur mawitaka tum tute hi mipuiin kan chawimawi an phu a, Chapchar Rimawi Kut hmang tu zawng zawngte duhsakna a hlan a ni.

He hunah hian Art huang chhunga Padma Shri dawngtu Pi K.C Runremsangi hnenah chawimawina hlan a ni.

Band hrang hrang hnen atangin rimawi ngaihthlak niin mi thahnem takin he hun ah hian an kal a ni.

Attachment

  • Loading attachment...