Art & Culture Minister Pu R. Romawia chuan Art & Culture Department hmalakna kaltlang hian khawvelin Mizo hnam hi a hre reng dawn a, chuvang chuankanhnamziate hi zahpui lovakanhumhim thiam a pawimawh a ni, a ti. He thu hi vawiina Directorate of Art & Culture Department a tlawhnaah a sawi.

Minister chuan Mizote hi hnam naupangte la ni mah ila, kan tawng, kan thuamhnaw leh hmun hlui pawimawh kan neih ang angte hi kan humhim a pawimawh a. Kan hnam a kan chian chuan hnam dangin min chimral a hlauhawmloh a ni, tiin, kan pi leh puten thangtharte min hnutchhiah pawimawh tak, art & culture hi chhawmnung a, tihhmasawn hi kan tih tur reng a ni, a ti. Minister chuan Art & Culture chu department pawimawh tak, a pawimawhna la lian zel tur a ni tiin, thawktute pawh taima taka thawk turin a chah bawk.

He huna Minister tawiawmtu, Parliamentary Secretary Pu H. Zothangliana pawhin thu sawiin, Art & Culture Department hmalakna hrang hrang te chu an theih chinah chak taka kalpui zel a tiam a. Thawhhona tha tak an neih theih nan inpawh taka harsatna leh chanchin tha lamah pawh an in bengvartawn zel a beisei thu a sawi bawk.

Vawiina inkawm khawmna hun Directorate of Art & Culture a buatsaih hi Department Director Pu Ngurbiaka’n a kaihruai a. Art & Culture Secretary Pu C. Thatkunga leh Deputy Secretary Pu F. Lalngheta ten an telpui bawk a ni.