1435/2023-2024

Aizawl, 09.08.2023: Art & Culture Minister Pu R. Lalzirliana chuan vawiin khan sawrkar hriatpui NGO library te tana ni hnih awh ‘State Level Library Seminar & Training’ tum 13-na chu khuallian niin a hawng. He programme, Chanmari YMA Hall a hman hi Art & Culture Department, Raja Rammohun Roy Library Foundation (RRRLF), Kolkata, Ministry of Culture leh Mizoram Library Association tangkawpin an buatsaih a ni. Mizoram pum a NGO library enkawltute chu he hun hmang tur hian an kalkhawm.

Khuallian Pu R. Lalzirliana chuan library hlutna chhawmnung zel tura hun pawimawh tak buatsaih a ni chu lawmawm a ti a. Art & Culture Department atangin Library enkawl hna thawk mahse Mizoram Library Association chu a neitu tak tak an nih thu sawiin an hmalakna chungah lawmthu a sawi. Minister chuan Library chu lehkhabu dahkhawmna satliah ni mai lovin, zirna in chi khat a ni, a ti. Mizote chu India rama literacy rate tha ber pawl niin kan vannei hle a ni a, ti a. Chutihrualin hmasawn tur chuan ziak leh chhiar thiam chauh ni lovin hriatna dik, hriatna zau leh rintlak kan mamawh thu a sawi. Digital Age a cheng a kan nih tawh angin kan kawtchhuah ah, kan ban phak ah khawvela hriatna awm zawng zawng chu internet kaltlanga chhiar thei kan nih tawh thu sawiin, hetiang a nih avang hian thu belhchian dawllo leh thu ho mai mai te thliar thiam a, fimkhur a tul thu a sawi bawk. Heng avang hian Cyber Crime Police Station te hial pawh din a lo ngaih tak thu leh, Library hlut zia tilang chiang tu nia a hriat thu a sawi.

Minister chuan tun hma angin lehkha chhiar kan peih tawh lo in, phone leh internet ah kan innghah nasat zia a lan thu te, library tlawhtu tlakhniam chhan pawh niin a hriat thu a sawi a. Heihi hnual nan erawh hmang lovin, chona ah la in puitling bakah thalaite leh naupangte tan library te chu kal chakawm a nih theih nan tan lak thar tul a tih thu a sawi a. Computer thiamna leh library te chu a indo zawng ni lovin, kalkawp tir tum tha a ti a ni. Minister chuan Art & Culture department chuan library te a changtlun zel nan theihtawp chhuah a nih tur thu sawiin, YMA branch hrang hrangte nen thawhhona tha tak a awm zel a beisei thu sawiin, dinhmun tha zawkah la inhlankai chhoh zel a beisei thu a sawi.

Vawiin programme-ah hian District wise Library tha thlanna result puan leh lawmman semna neih niin, library tha a thlan te chu:

1) Aizawl District (outside Aizawl city):
(i) Muallungthu Br. YMA library
(ii) Tlungvel Gate Veng Br. YMA library
(iii) Thingsulthliah Hospital Area YMA library

2) Aizawl District (Aizawl city):

(i) Chanmari Br. YMA library
(ii) Bethlehem Vengthlang YMA library
(iii) Chaltlang Br. YMA library

3) Lunglei District:

(i) Bualte Br. YMA library
(ii) Zotlang Br. YMA library
(iii) Zotuitlang Br. YMA library

4) Kolasib District:

(i) Kawnpui Chhim Veng Br. YMA library
(ii) Kolasib Vengthar Br. YMA library
(iii) Bairabi South Br. YMA library

5) Champhai District:

(i) Champhai Venglai Br. YMA library
(ii) Samthang Br. YMA library
(iii) Zotlang Br. YMA library

6) Serchhip District:

(i) E. Lungdar Br. YMA library
(ii) Serchhip Vengchung YMA library
(iii) Sialsir Br. YMA Library

7) Mamit District:

(i) Zawlnuam Vengpui Br. YMA library
(ii) Kawrthah Hmar Veng Br. YMA library
(iii) Bawngthah Br. YMA Library

8) Lawngtlai District:

(i) Lawngtlai Chanmary YLA library
(ii) Diltlang YLA Library
(iii) Kawlchaw West YMA Library

9) Khawzawl District:

(i) Darlawn Br. YMA library
(ii) Zuchhip Br. YMA library
(iii) Biate Br. YMA library

10) Saitual District:

(i) Chawngbuaia Memorial Library, Saitual
(ii) Buhban Br. YMA library
(iii) Phullen Br. YMA library

11) Hnahthial District:

(i) Peniel Br. YMA library, Hnahthial
(ii) South Chawngtui Br. YMA library
(iii) Thiltlang Br. YMA library

Category hrang hrang 8 (2017-2020) a ti tha te hnenah lawmman sem a ni bawk. Chungte chu:

1) Highest budget allocation for library: Chanmari Br. YMA Library, Aizawl
2) Highest Total average collection of books: Lunglei Zotlang Br. YMA Library
3) Highest Total New Collection of books: Sihphir Venghlun Br. YMA Library
4) Highest Total donation of Books: Chanmari Br. YMA library, Aizawl
5) Highest Total Library Book Repair/Binding: Zuchhip Br. YMA library, Khawzawl
6) Highest no. of books issued: East Lungdar Br. YMA Library
7) Highest no. of Library Visitors: Chaltlang Br. YMA library
8) Highest no. of enrolment as Library Members: Chaltlang Br. YMA library

Heng bakah hian Library & Info. Science Ph.D hmu thar mi pasarih (7) hnenah lawmpuina leh chawimawina hlan a ni bawk. Chawimawina dawngtute chu : -

Seminar & Training programme hawnna inkhawm hi Art & Culture Director Pi Carol VLMS Dawngkimi chuan kaihruaiin, Mizoram chu NGO library tam berna state a nih thu leh sawrkar laipuia Ministry of Culture pawhin a ngaihpawimawh thu a sawi. Mizoram Library Association President Dr. Lalremsiami chuan thu a sawi bawk a. Association General Secretary Dr. Lalbiaksanga Hnamte hnen atangin report ngaihthlak niin, Mizoram State Library a State Librarian Pi Zirsangzuali chuan lawmthu sawiin a hawnna inkhawm hi a khar a ni.

Chawhnu lamah "Library Services in a transforming Society" tih thupui hmangin Library Seminar neih chhunzawm a ni a. Dr. Jacob MS Dawngliana, Librarian, CDS & Committee Member, MLA chu resource person a ni. Naktuk (August ni 10, 2023) hian Library Training neih a ni leh ang.

RRRLF hnuaiah YMA Library 513 hi govt. recognized awmin, Foundation kaltlang hian state sawrkar nen intumsem in tanpuina hrang hrang pek a ni thin a. Kuminah Library Day leh Librarians Day te hman tawh niin, August ni 5 -6, 2023 khan New Delhi-a Festival of Libraries neih takah Mizoram State Library aiawh te an tel bawk.