Art & Culture Minister Pu PC Zoram Sangliana chuan Govt. Middle School, Dawrpui Vengtharah MHIP Day lawmna a hmanpui.
Minister chuan MHIP Day vawi 37-na hmangtute chibai bukin Mizo hmeichhiate insuihkhawmna pawl duhawm tak mi hmasate kaltlanga Pathianin a lo buatsaih chu Mizo hmeichhiate an vannei hle a ni, a ti a. He an pawl din champhaphak a lo thlen hian Mizoram, Mizo hnam leh khawtlang tana an tih theihte a thara inngaihtuahnawn turin a sawm a. Nute chu an pawimawhna inhre reng tura chahin Kristian nu tha, tu leh fate, chhungkua leh khawtlang tana nu entawntlak nih tum theuh turin a fuih a ni. Pu Zoram Sangliana chuan MHIP-te kumpuan thupui "Mizo hmeichhe nunmawi" chhawmnun zel a nih ang ngeiin Mizo hnam inchei dan mawi tak, puanbih chu uar deuh deuh turin a chah a. Hnamdangten Mizo kan nih an hriat theih dan awlsam tak chu Mizo hmeichhia ten mawi taka puan an bih thin chu a ni a ti bawk.
Dawrpui Vengthar MHIP hnenah Minister hian thingpui inna no Dozen 5, Ketli, Volleyball leh Volleyball Net a hlan a ni.
MHIP Day lawmna programme hi MHIP Dawrpui Vengthar President Pi Laldawngliani'n a kaihruai a, Secretary Pi Zohmangaihi'n MHIP General Headquarters President Pi B. Sangkhumi thuchah a chhiarchhuak a. Chawhnu lamah Outdoor Games hlimawm tak nei zuiin football, spoon race, musical chair, throw ball, tui in thunkhah siak, kawi in kah siak leh ke phuara intlansiak te in an inel a ni.
Dawrpui Vengthar MHIP hnenah Minister hian thingpui inna no Dozen 5, Ketli, Volleyball leh Volleyball Net a hlan a ni.
MHIP Day lawmna programme hi MHIP Dawrpui Vengthar President Pi Laldawngliani'n a kaihruai a, Secretary Pi Zohmangaihi'n MHIP General Headquarters President Pi B. Sangkhumi thuchah a chhiarchhuak a. Chawhnu lamah Outdoor Games hlimawm tak nei zuiin football, spoon race, musical chair, throw ball, tui in thunkhah siak, kawi in kah siak leh ke phuara intlansiak te in an inel a ni.
