Nimin (8.10.2019) khan Art & Culture Minister Pu R.Lalzirliana'n Reiek MZP Sub Headquarters buatsaih Mizo Zirlai (undergraduate) chawimawina hun a hmanpui a, zirlai kalkhawm te chu Mizo culture chawikang tur leh ram tana mi chhawr tlak ni turin a sawm.

Reiek MZP Sub Headquarters ten an khaw mi zirlai te an chawimawina ah hian Pu R.Lalzirliana, Art & Culture Minister chuan tunlai ah sawrkar hna thawh tur a vang tawh tiin mi tam takin sawi thin mahse sawrkar chuan mi thiam tak tak ala zawng reng a, zirlai te chu mi thiam ni turin a chah bawk a ni. Politics atang ringawt chuan hnam humhmalh te a harsat thin avangin a sawrkar enkawltu a neitu sawrkar hnathawk ah hnam hmangaih mi an tam leh zual a ngai a ti a. Hei vang hian zirlai te chu tan la zual leh turin chah bakah Central Service lama Mizo tam zawk an awm theih nana tan la turin a sawm a ni. Art & Culture Minister hian Mizo tawng humhalh pawimawh zia te kalkhawm te hnenah hian sawiin, "Mizo kan nih chuan, Mizo tawng thiam loh hi a zahthlak ber a ni" a ti.

Reiek MZP Sub Headquarters ten an buatsaih Mizo Zirlai chawimawina ah hian Reiek khaw mi Graduate hlim mi 8 te hnenah chawimawina hi hlan a ni.