Lunglei District chhung Sawrkar Office hrang hranga thawktute inpawh tlanna tur leh thawh hona tha zawk an neih theihna tura buatsaih Lunglei District  Inter Office Badminton Tournament 2019 chu Nimin (8.10.2019) khan Bazar veng Indoor Stadium-ah tan a ni.

Hawnna inkhawm tawi Pu Lalsanglura SDC Lunglei kaihhruaiah, he huna khuallian Lunglei Additional DC Pu David Liansanglura Pachuau chuan thu sawiin Sawrkar Department Office hrang hrang a thawktuten inunauna leh inhmelhriat tawnna tha zawk an neih theih nana Lunglei DC Office leh Lunglei District Badminton Association ten inelna thianghlim an buatsaih chu finthlak a tih thu sawiin hei hian ram tana hnathawhna kawngah inlungrualna leh thawh hona tha zawk thlen ngei se a duh thu a sawi a ni.

Hawnna inkhawmah hian Lunglei District Sports Committee Chairman Pu KT Nghawra leh Tournament Organising Secretary Pu CMS Dawngliana te pawhin thu an sawi a, he tournament hian ninga chhung a awh dawn a,  Lunglei District chhung Office hrang hrang atangin Team 28 an tel a, infiammi 376 ten Badminton match 178 an khel dawn a ni.

Attachment

  • Loading attachment...