Art & Culture Minister Pu P.C. Zoramsangliana chuan Kolasib-a chanchinbu hlun ber TURNIPUI chanchinbu in a kum 25 hmel hmua, Silver Jubillee a thlen lawmpuiin vawiin khan a office ah Turnipui Editorial Board te chu lawmpuina thingpui a inpui a. Turnipui Editorial Board te hi Kolasib MJA hruaitu ten an rawn tawiawm a ni.
Lawmpuina thu sawiin Pu Zoramsangliana mipui kaihruaina dik leh zirtirna tha pe tura Mizoram chanchinbu ten intlansiakna an nei mek chu thil lawmawm tak a ni, a ti a. Kum 25 chhung zet chawl lova Turnipui chanchinbu in mipuite rawng a bawlna chu chhuanawm a tih thu sawiin Turnipui rawngbawlna chuan Kolasib pawn lam Zoram hmun zau zawk thleng zel se a duh thu a tarlang a. Editorial Board leh Turnipui chhiartu zawng zawngte hnenah duhsakna sang ber a hlan nghal a ni.
Turnipui Silver Jubillee hi January 20 khian lawm a ni dawn a. A lawmna peng pakhat atana Jubillee lungphum thuziak chu Minister hian vawiinah chuan a hawng nghal a. Turnipui Editor Pu S.Lalhmachhuana chuan harsatna tam tak paltlanga Turnipui in a Silver Jubillee a lo thleng thei ta chu lawmawm a tih thu sawiin hemi chhunga sorkar duhsakna hrang hrang a dawn ah Mizoram sorkar chungah lawmthu a sawi bawk a ni.
Turnipui Silver Jubillee hi January 20 khian lawm a ni dawn a. A lawmna peng pakhat atana Jubillee lungphum thuziak chu Minister hian vawiinah chuan a hawng nghal a. Turnipui Editor Pu S.Lalhmachhuana chuan harsatna tam tak paltlanga Turnipui in a Silver Jubillee a lo thleng thei ta chu lawmawm a tih thu sawiin hemi chhunga sorkar duhsakna hrang hrang a dawn ah Mizoram sorkar chungah lawmthu a sawi bawk a ni.
