Mizoram Cable TV Owners & Distributors’ Association (MICODA) chuan vawiin khan an General Assembly vawi 4-na Tourist Lodge, Chaltlang-ah an hmang a, I&PR Minister Pu Zodintluanga chu khuallian a ni a. Assembly hawnna inkhawm chu MICODA President Rev.Dr.Thangluaia’n a kaihruai a, Dy.Director AIR (NER-II) leh DDK Aizawl Director ni bawk Pu C.Lalrosanga, IIS chu he hunah hian Khual Zahawm a ni bawk.
Khuallian Pu Zodintluanga chuan Assembly chhimtu MICODA member zawng zawngte chibai bukin hnam nunphung khalh ngiltu pawimawh tak an nihna hre reng turin a chah. Khawvel chu Information Technology lamah a thang nasa a, Mizoram Cable TV chu thangkhat lian aia rei mah ni tawhin Mizote khawhawi leh nunphung pawh a nghawng nasa a. Chutiang khawpa hmanrua chak a nih avangin Cable TV leh media dangten an mawhphurhna sanzia hriaa hnam tana thil pawi tur leh mualpho thlak tur chi reng reng lakah fimkhur an ngai a ni, a ti bawk. Faina pawimawh thu sawilangin I&PR Minister chuan TV programme-ah te pawh a tawp leh bawlhlawh lai tilang lovin hmun thianghlim leh fai lantir tam chuan mipuiah pawh inzirna tur tha tak a kawhhmuh thei zawk a ni, a ti.
Khual Zahawm Pu C.Lalrosanga pawhin thusawiin India ram chu sum leh pai dinhmun nghet tak nei a nih avangin tun hnaia khawvel huapa sumdawnna tlahniam pawhin a khawih chhe thei lova, media lamah pawh hmasawn chak ber, Asia-ah pakhatna nihna a hauh mek a ni, a ti. Mizote pawh media lamah hmasawn chak tak niin hmarchhak bialah phei chuan Cable TV leh TV-a tualchhung chanchinthar puang tan hmasa ber kan ni hial a. Ram sum leh pai dinhmun a than rualin chhungkua tam zawkten TV leh intihlimna thil an lei thei tura ngaih a ni, a ti a. Mi zawng zawng hriat leh hmuh phak a nih avangin Cable TV leh Media hrang hrangten anmahni an inthunun a, invawng a, mipui hmuh leh chhiar turah fimkhur turin a chah a ni. Telecom Regulatory Authority of India (TRAI) chuan tun hnai khan state sorkar tinte hnenah lehkha thawnin Cable TV chungchangah Dan thar - connection/disconnection/re-connection reng reng ni 7 chhunga tihfel tih te, subscription fee atana cash memo pekchhuah ngei ngei tur tih te, zing dar 8 atanga zan dar 10 thleng mipuiten an biakpawh theih reng theihna tur Help Desk nei te, signal chak leh fiah tak pekchhuah te chu tihmakmawhah a siam a ni tih a tarlang bawk. Tun hnaia rampum huapa Information Ministers’ Conference-ah khan electronic media te enkawltu tur autonomous regulatory body din rawt a ni tiin a pawimawh ber zawk erawh chu mahni inthununna hi a ni fo ang, a ti. State chhung Cable TV te leh DDK Aizawl thawhhona tha tak avangin a lawmthu C,Lalrosanga hian a sawi lang bawk.
Mizoram Cable TV Owners & Distributors’ Association (MICODA) hi ni 21st April 2006 khan Seling-ah din tan a ni a tunah hian registered memebr 120 an awm a ni. Vawiina MICODA General Assembly-a an thu ngaihtuah tur pawimawhte zinga langsarte chu :- 1) Pay Channel, 2)Entertainment Tax, 3)Mizo tawnga film lehlin leh 4)Mizoram pumpui Cable TV Survey neih chungchangte a ni.
Khual Zahawm Pu C.Lalrosanga pawhin thusawiin India ram chu sum leh pai dinhmun nghet tak nei a nih avangin tun hnaia khawvel huapa sumdawnna tlahniam pawhin a khawih chhe thei lova, media lamah pawh hmasawn chak ber, Asia-ah pakhatna nihna a hauh mek a ni, a ti. Mizote pawh media lamah hmasawn chak tak niin hmarchhak bialah phei chuan Cable TV leh TV-a tualchhung chanchinthar puang tan hmasa ber kan ni hial a. Ram sum leh pai dinhmun a than rualin chhungkua tam zawkten TV leh intihlimna thil an lei thei tura ngaih a ni, a ti a. Mi zawng zawng hriat leh hmuh phak a nih avangin Cable TV leh Media hrang hrangten anmahni an inthunun a, invawng a, mipui hmuh leh chhiar turah fimkhur turin a chah a ni. Telecom Regulatory Authority of India (TRAI) chuan tun hnai khan state sorkar tinte hnenah lehkha thawnin Cable TV chungchangah Dan thar - connection/disconnection/re-connection reng reng ni 7 chhunga tihfel tih te, subscription fee atana cash memo pekchhuah ngei ngei tur tih te, zing dar 8 atanga zan dar 10 thleng mipuiten an biakpawh theih reng theihna tur Help Desk nei te, signal chak leh fiah tak pekchhuah te chu tihmakmawhah a siam a ni tih a tarlang bawk. Tun hnaia rampum huapa Information Ministers’ Conference-ah khan electronic media te enkawltu tur autonomous regulatory body din rawt a ni tiin a pawimawh ber zawk erawh chu mahni inthununna hi a ni fo ang, a ti. State chhung Cable TV te leh DDK Aizawl thawhhona tha tak avangin a lawmthu C,Lalrosanga hian a sawi lang bawk.
Mizoram Cable TV Owners & Distributors’ Association (MICODA) hi ni 21st April 2006 khan Seling-ah din tan a ni a tunah hian registered memebr 120 an awm a ni. Vawiina MICODA General Assembly-a an thu ngaihtuah tur pawimawhte zinga langsarte chu :- 1) Pay Channel, 2)Entertainment Tax, 3)Mizo tawnga film lehlin leh 4)Mizoram pumpui Cable TV Survey neih chungchangte a ni.
