Indian Museum, Kolkata hotuten hun rei tak atanga an lo sawm tawh angin vawiin khan Art &Culture Minister Pu PC Zoram Sangliana chuan Indian Museum tlawhin an hotute nen an inhmu a. Indian Museum kum 200 lawmna atan Mizo Diorama an Museum a dah rem an tih thu an lo hrilh.

Pu C. Kamlova’n Hindi a Mizo chanching (History) a ziah chu chhutsak leh chhuahsak an rem ti a, hun remchang hmasa berah Pu C.Kamlova nen inremsiamna tul ang te an ti fel ang. Pi Lalsangzuali Sailo (L) lehkhabu ziah Ropuiliani chanchin Hindi a lehlin pawh peihfel a nih veleh chhutsak leh chhuahsak an remti bawk. Kum 2012 Chapchar Kut denchhenin Aizawlah Museum Exhibition buatsaih ni se tiin an rel a. Mizo High School zirlai te tana Heritage Tour pawh chhunzawm zel ni se tiin Puja hma ngei a Batch khat an dawnsawn theih tur thu leh Puja zawh lama chhunzawm zel an remtih thu Indian Museum hotute hian Minister hi an hrilh a ni.

Pu PC Zoram Sangliana hi Art &Culture Director Pu Ngurbiaka’n a tawiawm a, Indian Museum hotute lam atangin Director Anup K. Motilal leh Officer pawimawh dang ten Minister hi an lo dawngsawng a ni